تقرير معلومات عن دوري الانديه الاجنبيه

السلام عليكم

اول اهنيكم على النشاط المميز بهالقسم والمعذره على التقصير هنا

الكالتشيو الايطالي

الانتر فريق كبير جدا ومن زمان ولااحد منكر هالشي لكن بالموسم اللي طاف واللي بعده ياخذ الدوري بدون متعه وان لاحظنا فيه اعتماد نوعا ما كبير على ايبراهيموفيتش والاحتياطي خوليو كروز

لما راح ايبرا للبرسا صح ضاق صدري بالحيل لكن من تابع الانتر هالموسم ومع مورينهو بيلاحظ انه مايعتمد على لاعب واحد وانه وزع القوى الضاربه في الفريق ان جينا للحارس بنشوفه انه مميز ومن افضل الحراس بالعالم هالسنه وان جينا للدفاع ففيه لاعب اسمه لوشيو مقدم مجهود جبار واثبت انه من افضل لاعبين العالم بخط الدفاع وهالكلام يفرضه المنطق قبل كل شي ولايهون ابو الشباب والتر سامويل وان جينا للاظهره ففيها النجم الاسطوري اللي تسيل له لعاب الانديه الثانيه اللي هو دوقلاس مايكون اللي كل الانديه تتمناه لكن يبطون والله وخافيير زانيتي على الباك اليمين يعني خط دفاع وحراسه متكامله !!

وبخط الارتكاز فيها صاحب المجهود الفضيع والماكينه التي لاتكل ولاتمل كامبياسو ومعه الصربي المميز ستانكوفيتش اللي لعبه ومجهوده له دوره بالفريق واللي نقدر نسميه الجندي المجهول بالانتر

وشنايدر اللي كان مهمل بالريال جانا ووظفنا امكانياته صح وخليناه اسم مهم في كتيبة الافاعي ويمتلك رجل ديناميتيه وبجانبه باندييف اللي كنت اظن انه لاعب عادي ولاكنت اعرفه بصراحه قبل يجي للانتر لكن موري اثبت ان له نظره لايمتلكها الا هو بمدربين العالم ويمكن اقول معه فينقر وفيرقسون !

ولااننسى بالوتيللي النجم فوق العاده لكن لو يفتك من حركات المبزره اللي يسويها فهو بخير والله
لاعب كبير ومهاري لكنه لاطنقر ودك تمرغه لين يعرف ان الله حق !! لكن يوم دريت ان عمره 19 دريت انه توه في ريعان المراهقه :d عالعموم اتمنى عدم التفريط فيه ويكون نجم فوق العاده ورجال منظبط ولايبزوط زي هالموسم !!

وبخط الهجوم عندنا ميليتو اللي كان رقم مهم في تسجيل انتصارت وتحقيق اهداف مهمه ولو مايجي منه الا الهدف على روما في نهائي الكاس كان هدف ماركة دييقو ميليتو فقط فقط !! ورغم ان ايتو ماكان معنا بمستواه المعهود وهو في عزه لما انتقل للبرشا من ريال مايوركنا لكنه يظل اسم صعب ورقم مهم في تشكيلة مورينهو وبما ان عقد ايتو معنا 3 سنوات نآمل يكون الموسم الجاي اكثر قوه

هذي عن الانتر

تقرير معلومات عن دوري الانديه الاجنبيه Qzg16n2pv

تقرير معلومات عن دوري الانديه الاجنبيه Qzg16n2pv

تقرير معلومات عن دوري الانديه الاجنبيه Lfp

الدوري الاسباني

اما عن برشلونه كتيبة السحره وكتيبة المتعه فهم استحقوا الدوري بجداره وباخر رمق في المباراه والمفترض على مستويات برشلونه المبهره هالموسم انه يحسم الدوري مبكرآ لكن تركيزه على الجامبينزليق ليق اكثر خلاه يتهاون في الدوري شوي لكن يبدو ان بيب مادرى ان مورينهو وكتيبته الشرسه راح تقتل احلامه بالاوروبيه

فريق يمتلك ميسي وبيدرو واكزافي وبيكي المجنون وبويول المقاتل وحارس زي فيكتور فالديز كنت اشوف انه اكبر زلابه العام مع البرشا لكن هالموسم الجم منتقديه بمستويات مميزه وحراسه يشوبها الكثير من الثقه وحقق ارقام مميزه مع البرشا وبصراحه مافي اي مقارنه بين الريال والبرشا فرق بين انه يكون عندي اكاديميه زي البلوغرانا وتطلع نجوم لاتقدر قيمتها بثمن على شاكلة ميسي واكزافي وبويان والبقيه وفرق بين اني اروح اشتري لاعبين على مزاجي وبملايين الدولارات ويطلعون من الموسم خالي الوفاض يابيريز !!

كاكا من شفت مستوياته مع الريال كسر خاطري كثير لاني اقدر طريقة السهل الممتنع اللي يقدمها كاكا مع الميلان لكن لما جاء مع الريال ضاع واصبح لاعب صفر على الشمال للاسف !!

من وجهة نظري ان الريال ان الريال هالموسم ماشاله الا كرستيانو المراهق اللي بكل مباراتين مسوي مشكله او ماخذ انذار واللاعب الثاني شابي الونسون اللي جالهم من الليفر اللي تلاحظ وتحس وانت تتابع الريال انه ربط خط الوسط بالدفاع بثقه وهدوئه !! وهيقوين بعد اللي اشوفه المنقذ لبليقريني السباك !!

باختصار ولن اطيل في التحليل باعتبار ان الدوري الايطالي المفضل لي واني مااشوف الا مباريات الريال وبرشلونه بالليقا اقدر اقول ان برشلونه يمتللك كاريزما الفريق البطل اللي حتى لو يلعب الدوري بالشباب والا الرديف ان لم يكن البطل بيكون الوصيف فريق جبار وهندسه في كرة القدم ويستحقون الدوري كثير للامانه والف مبروك لهم

هذا عن الدوري الاسباني

تقرير معلومات عن دوري الانديه الاجنبيه Qzg16n2pv

اما الدوري الانقليزي وبطله تشلسي

اما تشلسي اللي يضم بصفوفه البثر دروقبا :d والمصارع بالاك قدم ارقام ممتازه ويبدو اننا سوينا فيهم خير هم والبرشا لما طلعناهم من الجامبينزليق وقالوا الجامبينزليق مالها الا رجالها <~ يقصدون الانتر وبلعوا العافيه ورضوا بالامر الواقع وركزوا على بطولات دورياتهم وحققها البلوز بجداره للامانه وسلملي على فريق فيه زي لامبارد المبدع ولاعب ماكر مثل مالودا ولاعب ماعنده مزح قدام المرمى مثل انيلكا وبحراستهم صبة خرسانيه مثل بيتر تشيك !! وتشلسي ابدعوا كثير هالموسم وقبل كم يوم جابوا الكاس مع الدوري يعني ثنائيه حلوه

وحقيقه بالدوري الانقليزي اتعاطف كثير مع الارسنال والليفر واتمنى انها محققه الدوري او الكاس على اقل تقدير لكن مدري متى فينقز بيظل على سياسته باعتماده على اللاعبين الصغار وعدم جلب لاعبين خبره

وليفربول الف علامة تعجب على مستواه هالموسم اللي حتى كاس الاتحاد الاوروبي ماقدر ياخذ واقصاه اتليتكو مدريد ؟! اتمنى يرجع جيرارد والنينو بافضل حله الموسم الجاي

الف مبروك لهم الفوز بالدوري

هذا عن الدوري الانقليزي

تقرير معلومات عن دوري الانديه الاجنبيه Qzg16n2pv

تقرير معلومات عن دوري الانديه الاجنبيه I.aspx?i=1%2flogo%2fbundesliga

اما عن البافاري اللي حقق الدوري الالماني

البايرن هالموسم قدم حاجات مميزه رغم انه الموسم اللي فات ماكان كويس ابد وحتى هوفنهايم الفريق اللي توه صاعد قام يلزخ فيه لكن مع لويس فان خال استطاع اعادة صورته المشرقه وحقق الدوري والكاس ويلعب على نهائي الابطال قدام الانتر ونلاحظ وجه الشبه الغريب بينهم ان الانتر حقق الدوري والكاس وسيلعب على نهائي الابطال ونفس الكلام ينطبق على البايرن اللي حقق الكاس والدوري وينتظر الاوروبيه !!

فان غال طلب جلب الطاحونه الهولنديه المميزه اريين روبين وكان طلبه ضربة معلم وشفنا كم هدف سجل روبين مع البايرن في دوري الابطال وكم هدف صنع وكم تمريره صح

اعتقد فريق زي البايرن جدير بالاحترام ويستحق الدوري والكاس رغم اني ماشفت مباريات الكاس بتاع المانيا !!
لكن يضم بصفوفه نجوم كبار مثل الافعى الساامه اوليتش المهاجم القناص اللي قتل احلام المان في الاولد ترافورد بهدف قاتل وبالذهاب سجل هدف الفوز باخر الدقايق وسجل الهاترك على ليون بالسيمي فاينل وعلى ارضه
!! ومهاجم مقاتل مثل قوميز فريق قادر على تحقيق كل الالقاب بصراحه وبخط الوسط الهولندي العملاق فان بوميل وشتايقر ومدافع مقاتل مثل ديميكلس

اتمنى من القيصر الالماني بيكنباور المحافظه على كتيبة هالنجوم وبالاخص اوليتش وروبين وقوميز وشتايقر وديميكلس وبوميل وتاكدوا هالنجوم بتجلب الكثير للفريق البافاري ويكفي ان هالنجوم اعادة البايرن لامجاده عام 2002 لما خلت الفريق هالموسم يلعب على النهائي ويزيح فرق كبار زي المانشستر وزي فيورنتيان وزي ليون

عساك على القوه اختي

» الزواج من الاجنبيه مكلف اكثر من داخل البلد
» حمـــــــــــــــــــــــــــزه ادريس تقرير
» تقرير نادي الهلال
» تقرير للاعب باتو
» معلومات مهمه