ناصر الساهر عــــضـــــو الـــــــــــــمــــــــــــــاســــــــــي
مُشَارَكَاتِي » : 2029 تَارِيْخ تَسْجِيِلِي » : 27/06/2009عُمْرِي » : 40 مَكَانِي » : أنا أقدم عاصمة للحزن وجرحي نقش فرعوني اللهم إنك لاتحمل نفساً فوق طاقتها..فلا تحملني من كرب الحياة ما لا طاقة لي به....
موضوع: قصة بنت تدق على ارقام مميزه... الأحد مارس 28, 2010 8:47 am
هـــــاذي قصه مع من دقت عليه بالصدفه بصدفه دق عنده الجوال الا رقم غريب عنه مايعرفه ورد على الجوال الا بصوت يهمس همس احلى من نسمة الليل
واحلى من نغمة طرب كله حنان وشوق وغرام صوت بمعنى اصح جذاب يجذب زغاليل العصفور من اعشاشه.
كلمها وهو مو مصدق انها يكلمها كانت تبي التعرف عليه وهو مستغرب منها ومن طلبها قال لها : تعرفيني يابنت الناس .
قالت: لاوالله مااعرفك وأول مره أسمع فيها صوتك .
سألتها من وين جبتي رقم جوالي .
قالت : انا أحب أتصل على الأرقام المميزه وأتعرف عليهم وأقابلهم بعد أذا أعجبني أسلوبه .
قال لها : طيب أنتي على كذا أكيد بتعرفين شباب واجد مدامك تدقين على الارقام المميزه .
قالت : طبعا أكييييييد في كل مدينه أعرف أثنين أو ثلاثه بالكثير .
قالها طيب أكيد أنك قابلتيهم كلهم .
قالت:لامو كلهم البعض منهم .
سألها قال لها وين أبوك وين أمك وين أخوانك .
قالت :أبوي وأمي ميتين من زمان وانا صغيره وماعندي غير أخو واحد وعايش بفرنسا
وزيارتة لي قليله وأنا عايشه مع خالتي في نفس البيت .
قال لها طيب معقوله وكل هالصوت الحلووووو أكيد انك بتكوني حلووووووووه وماأعتقد
كان هو من شدة جمالها وحلاوة أسلوبها يستحي يطالع فيها أو عينه تجي بعينها .
عرف أنه هالبنت ماضيعها الا الشباب اللي أستغلوا وقتها وخاصةانها مطلقه وحلوووووه وتقدر تروح وتجي وتغيب
بدون ماأحد يسال عنها .
طلب منها طلب واحد انها تسمع منه كل كلمه راح يقول لها وتسلم نفسها .
قالت :أوكي انا معاك وسامعه لك وصدقني من اول ماكلمتك عجبني صوتك كان فيه شي من البحه يعني مبحوح
وانا تعجبني هالاصوات من الشباب وبعدين بعد ماكلمتك أرتحت لك .
الولد ماهو بشين بالعكس وسييييييييم بس ياريت كل الشباب مثله في اخلاقه .
عالعموم هو قاله لها أسمعي يابنت الناس :ترى كل الشباب اللي تعرفتي عليهم يضحكون عليكي وكلهم نصابين
عارفه ليه لانهم يمشون ورى رغباتهم وشهواتهم وأهم شي أنهم ينبسطون مع بنت وماهمهم هالبنت هاذي مين تكون صدقيني يافلانه أنا لو أبغى اسوي مثلهم والله أقدر واللحين وأقدر أضحك عليكي وأقول أنا عندي وما
عندي وأغريكي فيني بس بتكلم معاكي بصراحه أنتي ترى اللحين في عز شبابك والفرصه قدامك أن تلحقين نفسك
اللي ضاعت بسبب أشخاص أغروكي باشياء ومثلوا عليك باسم الحب الكذاب عمر أحد فيهم قال لكي يافلانه ترى
الطريق هذا اللي أنتي ماشيته غلط وترى نهايته بكره كله ندم في ندم على كل لحظه راحت من عمرك صدقيني انا أتكلم
لأني حاسس فيكي أتي طفشتي من الدنيا لأنك مانجحتي في حياتك الزوجيه وكنتي تبغي البديل حتى تطلعي من اللي
كنتي فيه بس للأسف كان البديل هو ضياع أحلى شي فيكي وهو أنك فقدتي احترامك لنفسك وللأولادك ولأهلك
وذاتك وكنتي تمشي مع ناس كلهم يسعون ألى تدميرك لأنه مافيه أحد من هاذول اللي ذكرتيهم قال في يوم أبغى أساعد
فلانه لازم أقف معاه وأطلعها من الحياة هاذي اللي هي طفشانه منه. قال لها صدقيني وأقسم بالله لكي يافلانه أنه ماأقول هالكلام علشان تكوني لي أنا وحدي لاوالله ولاكن والله كل
هالجمال هذا يروح كذا مع ناس ماتستاهله .
أنا راح أوريكي الحياة الحقيقيه صدقيني يافلانه ترى الحياة حلوة بس للي يعرف يعيشها ويحافظ على
كل شي أمرنا فيه ديننا الحنيف .
وقتها البنت قامت تبكي هو لاحظ دموعها عرف أنها دموع الندم دموع كل لحظه عاشتها غلط .
بعدها فكر في حياتها هذا وشلون يغيرها .
قرر أنه يجيب لها كمبيوتر ويسجلها في دوره حاسب آلي ويأمن لها وظيفه تكسب من وراها لقمة عيشها .
وبالفعل جاب لها الكمبيوتر ودخلها دورة حاسب آلي وجاب لها سايق متفق معاه بالشهر يوديها
ويجيبها لمقر الدورة الحاسب الآلي .
وعلمها على النت وعرفها على كل من معاه في المسانجر وطلب منهم انهم يعلمونها كيف تستخدم
النت صح وسجلها معاهم عضوه في المنتدى .
وبعد كذا سألها قال وش أخبار الفراغ قالت يوووووووه يافلان ماعاد له طاري .
قال لها خلاص أبشرك يافلانه أنا لي صديق في مستشفى الفلاني وكلمته عنك قال
هات لي بس الشهاده الدراسيه وشهاده الكمبيوتر وخبرتها اللي انتي تدرسين دبلوم حاسب
آلي وهو ضمن لكي الوظيفة من يوم تتخرجين .
فرحت وقامت تبكي وحست أنها الحياة فعلا حلووووة .
وطلب منها أنها تغير أرقام تلفونات البيت ورقم جوالها وبالفعل غريتهم وبعد ماتخرجت
تعينت في المستشفى الفلاني وبراتب معقوووول وزين .
بعدها قال بسألك يافلانه وشلون حياتك أول وحياتك اللحين.
قالت وعيونها كلها دموع والله العظيم يافلان لو كان كل الشباب مثلك كان كل بناتنا
بخير وماينخاف عليهم فعلا الحياة حلووووة بس للي عرف يعيشها خاصه أنه في بنات
يمشون في هالطريق ماهو رضى منهم لاكن الظروف هي اللي حدتهم على كذا وأستغلال
الشباب لهم ولاكن من في زمانا هذا يقول أو يسوي اللي أنت سويته روح ياشيخ الله يسعدك
ويوفقك وين ماتروح.
عاهدها وعاهدته أنهم ماينقطعون عن بعض ويكون اللي بينهم صداقه
حميمه نادرة في زمانا هذا اللي هو صداقة بين بــنــت ولــــــــد .
ياريت الكل يقرأ ويفهم معنى هالقصة اللي أنا أعتبرها رسالة ألى كل ولــــد وبـنـت
...................................................................................... ناصر الساهر
عالي مستواه Admin.
مزاجي : مُشَارَكَاتِي » : 2926 تَارِيْخ تَسْجِيِلِي » : 20/04/2009عُمْرِي » : 41 مَكَانِي » : طيبه الطيبة لم يربطني بك خاتم حفر عليه اسمك ارميه خلفي متى اشتهيت ما يربطني بك هو قلب ينبض باسمك ان خلعته مني انتهيت
موضوع: رد: قصة بنت تدق على ارقام مميزه... الأحد مارس 28, 2010 1:35 pm