اعلنت حبك لين كلن تمناك

نسيتني علمنـي شلـون ابنسـاك..
في هالزمن نسيان الاحباب عادي..

وشلون لا مرت على البال ذكراك..
و طيفك سرق مني لذيذ الرقـادي..

وشلون لاقالوا لي الناس وش جاك..
من كنت في لذة منامـك تنـادي..

وشلون اعيش اللي بقالـي بليـاك..
لا من غدينا كل واحد..بـوادي..

لوقلت اداوي جرحي اللي تباطاك..
ماكل جرح يفيد فيه..الضمـادي..

اعلنت حبـك ليـن كل..تمنـاك..
غلطه وغيري من خطايا ستفـادي..

لولي..مثل قلبك تمنيت.. فرقـاك..
واكيد قبلك بالجفا.. صرت بادي..

حلوه عذاريبك وحلوه..مزايـاك..
حتى بيوم فراقنـا كنت..هـادي..

كن الليالي ودها تكسب رضـاك..
وآنا يطول مع الليالـي جهـادي..

في ذمتي ماهي غريبـه خطايـاك..
مبطي وقلبك لو تنبهـت غـادي..

سهله على من كان مثلك وشرواك..
مثل الثيـاب يغيـرون المبـادي..

علمني اكره ذكرياتـك وطريـاك..
وانسى من الليله صدوق الودادي..

ولاني بقايل عقبها ويـن ابالقـاك..
راضي ولو جروح قلبي جـدادي..

ولا القصايد جعلها مـن فدايـاك..
لبستها مبطـي ثيـاب الحـدادي..

باكر على المخطي يدورن الافلاك..
ونشوف من يصعب عليه البعـادي..

سلمت تلك الانامك الذهبيه التى اتت لنا بتلك الروائع

دمتي مثال للابداع في طروحاتك

لا عدمناكي

دمتي مثال للرقي

ننتظر المزيد من الابداع تقبلي مروري

ابدعتـــــي يالذووق ..