تكفون قدمولي النصيحه

طبيعي غريب وحالتي صعبة احس نفسي مريضة

تدرون ودي اشيل كل الناس من راسي ولا افكر في احد غير زوجي وبيتي ونفسي

بس مليت من الحياة تدرون والله العظيم أنا ماكنت كذا ابدااااااااااااااااااا كنت انسانه ملتزمة ومحترمة وصاحبة طموح

كبير في الحياة وكنت ارفض الزواج عشان احقق طموحي خلصت الجامعة وقدمت ماستر وانقبلت في ثلاثة اقسام من

شطارتي والحمد لله على كل حال لكن من هنا بدت معاناتي مع الأمراض اه اه اه آهات وآهات بس الله يعين على

الدنيا بتكلم معكم بكل صراحة درسة السنوات الاولى من الماستر عند أهلى وكنت اروح مع امي للتحفيظ وحافظه ولله

الحمد والقي محاضرات واعد برامج واسوي في الصيف دورات للبنات في مجال رسالتي وكنت اسوي ابحاث وعروض

وكل اللى يحتاجون البنات في خدمتهم في دار عائشة تطوع وكنت بارة بوالديه يعني كنت بأختصار انسانة رائعة

وطموحة وانخطبت من سادس ابتدائي الى الماستر جوني 10 لكن يا ارفض يا اهلي يرفضون وكل واحد باسبابه

والحياة ماتوقف عند حد عائلتي متدينه ومحبة للخير وكنا في حي راقي كل سبل الخير متواجدة بس تنوين تلقين

الاجر ويوم قربت على 27ماتزوجت صارو أهلى يحاولون يرضون بمميزات اقل من قبل وجاء هذا الرجال وتزوجته وانتقلت

معه لحي خارج حدود المدينة اللى اسكنها كلمة قرية قليلة فيها الاغنام تحف المكان والروائح تفوح من كل زاوية ولا

كهرب ولا ماء تحليه ولا بيرات ولا شي من الخدمات بدت حياتي تنهار حرمت من مناقشة الرسالة وجلست في البيت

للأمراض التي لم استسلم لها (جتني عين قوية سببت لي مشاكل كثيرة وكنت اتعالج عند وحدة) وطلبت من زوجي

ادرس في مدرسة اهليه ووافق عشان الراتب لان ماعنده وظيفة ثابته وتحملت مشاكل كثييييييييييييرة مستحيل

احصيها وصار يجيني نزيف مع الدروة الله يكرمكن واعاني وفصلت من الوضيفه وجلست بالبيت وكثرة المشاكل وبديت

اتهاون في الورد وابعد عن المحاضرات وزوجي يحط افلام ومسرحيات واغاني وهو ملتزم يعني يصلى بس عند أهل

زوجي هذا المفهوم مو مثل المفهوم المتعارف عليه عند الناس وشوي شوي صرت اتكلم عن الناس مثل اهل زوجي

واحش في خلق الله وبالعشره انتقلت كل صفاتهم لي حتى الصلاة قمت ااخرها وحالتي تغيرت 180 درجة صرت من

أهل المعاصي مو من أهل الخير وبعيده عن الناس ما عندي احد ولا في حيانا تحفيظ ولا مسجد الرجال يصلون في

البيوت ولا عند الغنم و شكيت حالى لرب العباد ودلني على شيخ وصرت اتواصل معه قال لازم تحرصين على الصلاة

أول شي واتركي كل المعاصي وكلميني بعد فترة طويلة ملتزمة التزام تام وخلى اهل زوجك عليه فرحت قلت يالله

رب بيهدينا كلنا وادعي من كل قلبي لهم ولي وطلبو اختي لولدهم ورفضت انا ومن بعدها كرهوني وكرهو ا أهلى

وانقطعت الزيارات بينا الا في الزواجات ولو احد صار له حادث بس واهلى ندمانين على الاختيار ندم كبير لكن خلاص

ماينفع الندم أهل زوجي ناس غريبة بمعنى الكلمة في كل امور حياتهم ولا حولنا احد لاجارة ولا حارة خارج حدود

المنطقة لان ماعندهم فلوس يشترون داخل المدينة والله حالتي حاله وجاتني أمراض كثيرة منها الغيرة والحسد والكبر

والغرور والغيبه والنمميمة والهرج في خلق الله وانتكست حياتي فوق تحت تحولت من اليمين لليسار والله يرحم حالى

هذي قصتي بالمختصر للعضة والعبرة وطلب الدعاء والنصح واسألكن بالله ما وحده تدخل ماترد والاتدعي لي

شكراً يآ رقيقة

ف اطلالتك تشبهك ذات رقه

الله يتسر عليك
وصديقيني الرجل يحتاج النصح
حتى لو كان كبير ومتزوج
والله يغير حالتك للاحسن

الله يكون معاك ياقلبي
ومهما كان الوضع الي انتي فيهـ
مااتوقع انه المفروض تتأثري فيهم
كل شخص لهـ شخصيه وعقل مميز عن غيرهـ
وهالشيء خطاء لانك صرتي مثل اهل زوجك وهم خطاء
بالنهايه كل شخص بيحاسب على اعمالهـ
والشيء الثاني لازم تقولي لااهلك على وضعك
انتي بنتهم ومستحيل يرضوا بوضعك كذا
واتوكلي على الله دايم

هدوء انثى

الله يسعدكم ويجزاكم كل خير واستفدت واجد من كلامكم
هدوء ارسلتلك مسج ع الخاص اتمنى تردين فيه علي يومين انتظرك ومارديتي

» إختر وإسمع النصيحه
» رحــــــــــــــــله قنص بالصور والجيعان لا يدخل تكفون
» عاشق راشـد الماجد يـوم مات تكفون شوفوا وش صار عليه ؟؟‎
» وش ردة فعلك اذا كنت جاي من السفر وسألك شخص سؤال........ادخلو وشوفو وش السؤال..تكفون !
» كل عضو يدخل ويقول موقف محرج صار له !!!؟ بليز تفاعلو معاي تكفون ترى تكفى تهز الرجال