الله يسامح خافقي يوم انا اقفيت

السلام عليكم
نص متواضع اضعه بين يديكم اتمنى ان يرتقي لذائقتكم

الله يسامح خافقي يوم انا اقفيت
يوم الهقاوي كلها جات ماجات

يوم الضلوع تشابه اطلال هالبيت
ماغير صمت وتالي الصمت آهات

ياليتني واستغفر إن قلت لك ميت
ولا اعيش بدنيتي هالمعاناة

غابت بعيني دنيتي وانت ماجيت
غبت وتركت العين ترفض لك تبات

يوم الدموع تقول ياقلب عنيت
دمعٍ يردد شوقنا تو مامات

يوم الملامح شاحبه يوم ازريت
حتى بعيني طالت اقصر مسافات

وشلون ابلقى قلب من يوم صديت؟
وشلون ابسمع صوت في زحمة اصوات؟

دنيا تعّيش خافقي كلمة اغليت
شوف الغلا يكفي يردد ولا بات

اشتاق ايه اشتاق ماني تغليت
بس دنيتي انهت طوال البدايات

وش عاد تنفع كلمتي كود ياليت
وش عاد اردد يابعد كل من فات

بس طالبك القى خفوقي إذا جيت
مابي يذوب بنظرةٍ بين نظرات

واطلب بعد ان كانك بشوق حسيت
تقرأ خفوقي وهو يردد لك ابيات

وسلآمة قلوبكم

نص رائع راقي لمبدعة متألقه
عوافي غاليتي

سلمت اناملك والله
لكــ احترااامي

اللـه يـعَ’ـآـآـآفيكم ع الـمروور الـرآـآـآئــع.."
مـآـآنـنـحَ’ـــرم من هـيييييـك طــلــه.."

وطرح يستحق المتابعة
شكراً لك
بانتظار الجديد القادم
دمت بكل خير

صح لسانك ياقلبي

وماننحرم من حسن اختيارك ياارب