ذابحنا الكسسسسسسل

السلام عليكم حبييبات قلبي
طبعا لي زماااااااااان مانزلت مواضيع.........وحاسه بخجل من نفسي اني أقرأ مواضيع هنا وهنا ولا يمديني اسوي موضوع مفيد..........فقلت لازم افضي نفسي وابدء

والي شجعني مره هو شي اكتشفته بالصدفه وغير حياتي 180 درجه ولله الحمد........وان كان احد بيستفيد منه فما ابي غير دعوه صادقه بظهر الغيب ان الله يحقق مرادي ويصلح اخواني ويهديهم ويرزق اخوي الوظيفه

طبعا كثير بنات لابد تمر عليهم فترات يتأزموا فيها نفسيا" ويمكن بعدها ماترد مثل اول........زي اعرف وحده من وفاة امها من اكثر من 8 شهور وهي متأزمه نفسيا" وهالشي اثر على حياتها كثيييييييييير ......وصارت مهمله بنفسها وببيتها وبأولادها وصار نومها ساعات طويله .........وهي بعد استسلمت لوساوس الشيطان.....عشان كيذا تمكن منها

تمر علينا فترات نكسل فيها بشكل انه يأثر على اهتمامنا بنفسنا وبصحتنا وحتى بأولادنا الي هم اغلى شي بحياتنا
وكثييييييير وانا امر بالمنتديات اسمع بنات يقولون نبي نسوي ونسوي بس ( الكسل ذاااااااااااااااااابحناا)
طيب ليه نستسلم للكسل...............ليه نعيش كيذا طول عمرنا
انا صراحه كثيييييير بحثت بهالموضوع ومهتمه فيه مو عشاني بس ....وانا اعرف انه كثير يبحثو فيه
الكسل مرض متفشي ......ونكاد نجده بجميييع طبقات المجتمع
مره كنت اسمع شريط للشيخ عائض القرني...........لكن مو فاكره اسمه كان جدا" راائع بمعنى الكلمه .....اعطيته وحده صاحبتي .....واستحيت ارجع اطلبه
<<<<<<<<< تحكي قصة حياتها خخخخخ
المهم كان من ضمن الشريط كيف ربة المنزل تتغلب على الكسل..وتمارس اعمالها المنزليه بنشاط......واذكر من كلامه تأثير زيت الزيتون هذه الشجره المباركه وانه مفعوله مثل السحر في نشاط الجسم وسمعته يقول انه تدهن جسمها كله من الزيت
بالبدايه مااخذت الموضوع بأهميه........بس بعدين حسيت ان هالأمر مهم ولازم مااغفل عنه وصرت ابحث عن كل شي يخص موضوع النشاط الجسمي

سألت كثير اطباء ومعالجي أعشاب وبحثت كثير بالنت
وبعد مااخذت معلومات كافيه وموثوقه..............قلت لازم ابدأ
والحمدلله لي بهالموضوع قرابة السنه ونصف........سويت لي بروقراااام سهل جدا" لكن والله نتائجه فوق الخيال ولله الحمد
لاحظوا قلت سهل لان غالبيه الي يحتاج هالموضوع هم الكسولات او الزولات خخخخخخخخخخخخ
وحنا مانبي نتعبهم حتى يصيروا محركات من النشاط ههههههه

طبعا البرنامج كان كالتالي:
1- شرب عصير البنجربالصباح كاس وبالليل كاس
وعلى فكره البنجر فيه فيتامينات ماتلقينها بأي اكل ويسمونها( الفيتمينات الناااادره) لندرة تواجدها غير بالبنجر
وهذي نبذه عن بسيطه عن البنجر

تحتوي الجذور الدرنية للشمندر الطعام على حوالي 12% سكر و 1.5مواد بروتينية وكثير من العناصر المعدنية وخاصة العناصر النادرة وفيتامينات PP.P.B2.BI.C كما تحتوي مواد ازوتية هي البيتائين ، ولكن السكر الموجود فيه يمتص ببطء في الجسم مقارنة مع التسارع المفاجئ الذي تنتجه الشوكولا.
يؤكل البنجر مسلوقا ، وفي السلطات ، ويصنع مخللا .
للبنجر فوائدة جداً كبيرة تتلخص في الآتي ...
يفيد المصابين بفقر الدم حيث يزيد معدل الهيموجلوبين في الدم بصورة سريعة جدا.
يحتوي على الحديد بكمية ليست عالية ، ولكنها تكفي لتزويد الكريات الدم الحمراء وتوليد خلايا الدم الحمراء بالمغذيات المناسبة
يفيد اضطرابات الدورة الدموية و العصبيين والمحتاجين للمعادن المختلفة.
تزود الجسم بالاكسجين النقي كما يساعد الرئتين في اداء وظيفتها النفسية .
يفتح الشهية ويهضم بسرعة وسهولة .
عصارة الشمندر من افضل المحاليل لترسيب الكالسيوم بشكل صناعي حيث تقوم العصارة مقام الدواء في علاج فرط ضغط الدم ، والاضطرابات القلبية ومرض تصلب الشرايين وفي توسع الاوردة .
يفيد تناوله بانتظام على تخفيف الامساك المزمن والبواسير حيث يساعد لسيلولوز في الشمندر على التخلص من الفضلات ، ويسهل مرور الغائط .
وكما يفيد تناوله بانتظام على تخفيف الامساك المزمن ولعلاج البواسير
يقلل من التصبغات الجلدية مثل اسمرار الرقبة .
يقلل من تساقط الشعر وحارب القشرة .
يعالج الضغط المنخفض لمدة شهرين
يوقف الافرازات المهبلية والنزيف

ولاتنسوا ان من اهم مسببات الكسل بعد هو الأمساك وهذا يعتبر علاج فعال له

وبما ان الاغلب زيي مايحبوا طعم البنجر الطبيعي فكنت اخلط معاه عصير البرتقال الطازج......ومايحتاج اقولكم فوائدالبرتقال بعد ......ولازم نعصرهم بنفس اللحظه
طريقة اعداد العصير:
يقشر البنجر ويوضع بالخلاط مع البرتقال لتحسين الطعم ويوضع الماء والسكر ويخلط جميعا ثم يصفى ويشرب
يستخدم في الصباح قبل الاكل وليلا قبل النوم وتلاحظي الفرق وزياده الدم بشكل غير معقول ...
من اسبوع بتلاحظي الفرق
يعني اشتري بنجر وبرتقال اللي يكفيك اسبوع وادهري ياشاطره...........بس الأفضل نتمم شهر

2- فيتامين فيرو جلوبين

.طبعا هالفايتمين مررررررره وحده بس باليوم بعد وجبه...... ماينفع تاخذيه على معده فارغه........اوكي
فائدته ....يعوض نقص الهيموجلوبين ويوفر الأكسجين اللازم للدم...........وطبعا اذا توفر الأكسجين حيزيد معدل النشاط الجسمي
3- زيت الزيتون

دهن الجسم يوميا" بزيت الزيتون (الأفضل يكون مقروء عليه ) ولازم كل الجسم مع الرأس..........وتخلينه على الأقل ساعه وحده .......ممكن خلالها تلبسي بدلة الساونا مثل مااسوي وتمارسي شغلك عادي
ولازم مراعاة ان الزيت يكون اصلي.........لانه الله المستعان كثر المغشوش بشكل كبير
الاصلي تقريبا مثل اللي بالصوره......يكون ثقيل شوي وصفاته درجه اولى ومسحوب على البارد

كل اللي فات مو بس يغير نشاطك الجسمي لاحظي بعدها بشرتك وشعرك كيف يصيرو
بنات..........استمروا على هالشي بسسسسسسس شهر
وردو علي هنا بنفس الموضوع
وقولو لي وش صار معكم ووش هي التطورات اللي حصلت معاكم..........
واذا نفعت معكم ماابي غير اللي وصيتكم عليه فوووووووق
ملاحظه : اللي ماعندها فقر دم لاتستخدم الحبوب او البنجر وتكتفي بالزيت فقط

واللي عندها فقر الدم تطبق اللي قلت بشرط تسوي تحليل اسبوعي للدم لين تتأكد انه وصل للمعدل الطبيعي...

احبكم كلكم

عوافي حبيبتي على المعلومات المفيدة جزاكِ الله الجنة

جزاك الله خير ياقلبي

ماننحرم من حسن اختيارك يارب

تسلم الأيـآدي ويعطيـك آلعافيـهـ
بشووق لجديدك آلمميز
دمتِ بسعـآده