قصيدة ياوليفي

ياوليفي دمعكم في غيابي ردّ لي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت في حشاي
والله انّ كبدي عليكم عراويها أضميّ
والمشارب غير هرجتك ماتقطع ضماي
كيف تستغرب بطاي ومجييّ يوم أجيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلىشوّي
مرتٍ أشلى ومرٍ يعاودني بلاي
وأنت سبّة كلّ شي ولا داويت شيّ
كيف ياقادر على داي ماتقدر دواي
بعد ما شتتوّ الفكر وأخليتو يديّ
كثرت أعلوم الشماميت وأفرحتو عداي
مابعد جاني من يوم التقو بي والديّ
ولابعد مرّ المحبين منّ حوّاء وجاي
لوّ خبر به حيّ يبكي على فقدان حيّ
كان يمدي من عرفني يشاركني عزاي
جعل يسقى يوم كان الهوى ماغير غيّ
فأول الرحله مثل مبتداك ومبتداي

كتبت فأبدعت

كم هو جميل اسلوبك وترتيبك وتناسق الكلمات والافكار

صح لسانك ولاتحرمنا من الجديد

صح لسانك كبرياء

ماننحرم من ابداعك الدائم والمتواصل يارب

يسلمو حبايبي


الابداع هو مروركم على متصفحي المتواضع


دمتم بود

قصيدة رائعــــه والأروع كاتبهــــااااا
تقبل مروري
لاتحرمنــا جديــدك[]

الاروع هو مرورك

يسلمو فيصل