مشتهي العب معك

هيـه قرّب ..
لـو سمحت
مشتهي ألعب معك .. لعبة أسباب الهموم !
لعبة إحساس العموم
ما لها أية شروط وأنظـمه
إلا إنـّا لا بدينا ننبث جروح الحقيقه
ما نمـلّ ولا ننـوم ..!
رغم إنـّي ما أعرفك
....... بس لك قدر ومـْ كانه
حدّني ظرفي وظرفك
........ كــل ٍ يغيّر مـِـكانه
خلّني بعتبرك إنـّك شخـص عادي
وهذا ما يلغي إحترامي
وإعتبرني صوت لو مرّه ينادي
طاحت وجيـه و أسامي
وهذا من حقـّي بدون أي إعتبار :
. / لو تجاهلنا التفرّد
. / أو تحايلنـا التجرّد
. / أو دخلنـا فـ إختبـار
كــل أسئــلتـه تمــرّد .!؟
"بـــس يالله ما علينـا ..
يمكن اللعبه تكون أوضح شوي
لا نـوينـاها غموض "
"هذي سجـادة صلاة ..
خـل نجلس فوقهـا
دامنـا ضمـن الفروض " ؛
تفـضـل :
إثـن ركبتينـك / أنا بأثني ركبتيني
و ( إنتقابل ..
وبيننـا شمـعه و سلـّـه !!
عطني راحـت يدّك وغمض عيونك ..
كل ما حطـّيت فيها " هـم " كبـّه :
إن تحسسـته بتضيـع من البدايه
وإن تنفستـه بتضيق بك الكفايه
ولو طرالك بس ترفـع جفـن عينك
بيغرقك موج الوصـايه ..!
ما قلتلك
مشتهي ألعب معك .. لعبة أسباب الهموم !
تعال وإحسبها معي
عندي كـم مليون قلب ٍ محترق
البعـض اُزهق و مـات
وبعضـه على عكسـه نضج ..
كم يطلع لو ضربنا ناتج البعضين
في عدد أيام الوعي ..!
أختصرها لك وتسكـت
16 مليون قـلب ..؟
يعني فوضوية إنتهاء ..
قادره ترمي الحزن من دون حتى توصفـه
قادره تمحي مبادئ وقت عيـّا ينصفـه
قادره تشيل السـواد من السهـر
وتشعـل شموع الأماني فوق كل الأرصفـه ..!
ما قلتلك
مشتهي ألعب معك .. لعبة أسباب الهموم !
لا تقولي إنـّها فترة غيـاب وتنتهي
... وإنت خدّك ما كلاه الملح وعودك مـ انحنى
يعني تظن المشاعر حقـّها لو تلتهي
.... يـوم صار الـذنب ذنب اللّـي تلقـّـفه العنـا
لو كل منـّا قال نفسي نفسي ما ناصل لحل
لو كل منـّا شاف عمره إمتلت هـ الارض غـل
ما دام باقي ذكريات حب / ولاءات / مناسـك
ليه نتـرك للصور فرصـه تــزيـد الــذل ذل ..!
خلـّني لـ صدقك أبـوح
..... كافي طاح الحيـل كافي
أخاف تكفربي الجروح
.... وأبقى فوق الشمس حافي ..!
ما قلتلك
مشتهي ألعب معك :
لعبة أسباب الهموم !؟

هنيئاً لي كان لي مع الابداع موعد في هذا المتصفح الرائع
الذي لا يضاهيه روعه الا روعة صاحبه
ماذا عساي ان اكتب
لقد عجزت اقلامي عن مجارات اقلامك الراقيه والشامخه

..

صح لسان قايلها وتسلم يمين ناقلها
لك مني ارق واعذب التـح ـآيـآ
مع ك‘ـــل ـآإلـود
دمت لمن تحب

مشتهي العب معك 892308

أبيات كانت رائعه

قبلَ ان ااتي هنا

احظرت الختَم

كنتُ متيقنه

اني سأجد الجمال في حروف شعرك

صح لسانك اخوي كبرياء رجل

وعساك على القوهـ

هدوء انثى

ابداع *ابداع
يعطيك العافيه

لو كل منـّا قال نفسي نفسي ما ناصل لحل
لو كل منـّا شاف عمره إمتلت هـ الارض غـل
ما دام باقي ذكريات حب / ولاءات / مناسـك
ليه نتـرك للصور فرصـه تــزيـد الــذل ذل ..!
صح لسانك كبرياء رجل

شكرا لمروركم الكريم

» العب بقلوب العذارء
» هنري يعتزل العب دوليا