تاريخ الروك

السلام عليكم....


الموضوع راح يتكلم عن تاريخ الـ rock n' roll في العالم
وايش العوامل الي ساعدت ومين اهم المغنيين الي كان لهم التأثير
÷÷÷÷÷÷÷÷÷
اوكي راح ابدأ بمقدمه عن تاريخ الاغاني من بداية 1900 تقريبا الين اليوم
وراح ابدأ بكلمه قالها Elvis Presley
" Rock n' roll music is basiclly gospel and rythem and blues"
ايش يعني؟ انه الاغاني او الروك اند رول اصله كلمات وايقاع ولحن .
هوا قال كلمه غريبه ، gospel ...
يعني الاناشيد او تراتيل الانجيل ، مع انه كان يقدر يقول lyrics كلمات !
لانه الكلمه هذي ، او الاناشيد هي اصل كل الاغاني الي تسمعوها بالـ mtv اليوم!
في الواقع في بدايات القرون الي راحت ، معروف انه
حتى بعد الحرب الاهليه الامريكيه (1865و - 1861 )
ونخرج عن الموضوع انه الحرب كانت بين الشماليين الاغنياء Union
والجنوبيين الفقرا Confedrete
والفقراء انفصلو عن امريكا علشان يسووا دولتهم ويحرروا نفسهم من ظلم الشماليين
لكن الحرب ما طولت لانه
الشماليين كانوا اغنى واقوى ، بس ماتوا ناس كثير
يمكن لو شفتوا فيلم عن الحرب حلو ، بس من اثار الحرب الايجابيه انتهاء العبوديه بامريكا.
العبيد الافرقيين السود كانوا لما يشتغلوا بحقول الذرة والشعير حقت الشماليين
كانوا يدندنوا وقت الشغل ! الاغاني الي كانوا يغنوها هيا
الـ gospel الي جابوها معاهم من افريقيا
بلدهم الام ، هذه الاغاني اقرب ما تكون تصفيق وشعر وزعيق وزي كذا
لو شفت كنيسه سود وشفتوا كيف يغنوا ويصفقوا ، هذا نفس الشي.
الامريكيين ما كان عندهم فكره عن الاغاني عن الايقاع ولا شي
فاول شي نقوله انه مصدر الاغاني هوا افريقيا !
بدأت هذه الاغاني تنتشر ، والناس صارت تحفظها وتغنيها
وصاروا يألفوا اشياء جديده على نفس الايقاع
تطور الـ gospel وبدأ بعدها الـ blues .
الي هو اول اغاني ترافقها الات موسيقيه
او ما تقدروا تقولوا انها الات لانه كانت اشياء غريبه
تقدروا تقولوا قدور طبخ واشياء زي كذا
المهم انه يطلع tune & beat يقدروا يغنوا عليه !
الاغاني الي عن الحياه والحب والحبيبه بدأت تتألف
وبعدين طلعت الات موسيقيه
slide guitar Drums ، وصارت الاغاني تتسجل
وتتباع ، وصار فيه مغنيين محترفين في الـ blues
زي Muddy Waters واغنيته "I can't be satisfied" و
"I'm your hoochie coochie man" ..

البيانو دخل في اغاني الـ blues وطلع ستايل فرعي اسمه boogie woogie .
مع انه اكثر هذا الاشياء سووها السود واخترعوها
الا انه بعض البيض كمان كانوا يقلدوهم ، واستخدموا
الات من تقاليدهم زي الـ Banjo, dulcimer والـ mandolin ((هذي اله ايطالية الاصل)).
المغنيين البيض والاتهم الجديده بدأوا ستايل معروف الي هوا الـ Country .
ومن الامثله عليه اغنية Hank Williams "Your cheatin' heart"

بعد كذا في بدايه الخمسينات طلع الاستايل folk
وهوا اصله Country بس كان فيه دق متواصل على
الـ Acoustic guitar (( الجيتار الخشبي المجوف ، بس الي اوتاره ستيل ، مو نايلون ))
بعد ما طلعت هذه الاستايلات وصارت تنسمع بكل مكان
صار مغني ستايل معين يسمع اغاني ستايلات ثانيه
ويحاول يدخل باغانيه اشياء جديده وحركات في الايقاع
حتى وصلوا لدرجه انه الاغاني صارت تقريبا زي بعض
وكانت هذه بداية الـ rock n' roll في الخمسينات
وصاروا المحترفين يسووا جولات غنائية في مناطق متعدده.

اكثر هذا التطور والاختراع كان يغنيه (( مغنيين سود ))
وطبعا يمكن يكون عندكم فكره عن العنصريه الي كانت
موجوده بامريكا في الخمسينات ، فكان كثير من الناس الكبار
ضد هذه الاغاني وضد السود ، لكن الشباب كانوا جدا يستمتعوا فيها
بس كانوا يخافوا مثلا من ابائهم انهم يعروفوا انهم معجبيين بواحد اسود!
كثير امريكيين اعرفهم يقولوا الجيل الي قبلنا كان فعلا غبي بالنسبه لهذا الموضوع
العنصريه ، كانوا يسووا اشياء فظيعه بالسود من غير اسباب منطقيه
لكن هذا كله انتهى ،الناس صارت مثقفه اكثر .

المغني الاسود Chuck Berry كان اول مغني اسود
له كثير معجبيين بيض ، وانسجن مرتين لهذا السبب !
في ذلك الحين انفجرت قنبله Elvis Presley في اواسط الخمسينات
فجأه كل المغنيين صاروا يغنوا Rock n' roll ، عشان الناس تديهم وجه هما كمان

وصار العالم كله معجب بالـ Rock n' roll في العالم كله
في اوائل الستينات طلعت فرقتين خطيره من بريطانيا تغني اغاني
لـ Berry وصاحبه الابيض Buddy Holly ، فرقة Rolling Stones و الـ Beatles .

طلعت اغاني الناس حبتها وكانت تغنيها دايما قبل
ما تطلع ايقاعات اكثر خشونه على الـ Electric guitar
مغنيين زي Jimi Hendrix & The doors .
طلع ستايل جديد بعدها هوا Soul ملكته Aretha Franklin .
وبدأ الـ Rock n' roll يتفرع وطلعت منه انواع كثيره
heavey, hard, slow, classic, pop(latest), metal, punk . . .

طلعت انواع بعيده شويه واستايلات مختلفه زي الـ disco music و
rap ..music by pressing buttons!
واستمر التطور في السبعينات والثمانينات والتسعينات
وطلعت اشياء غريبه ماحد توقعها...

هذا كان شرح بسيط لتطور الاغاني حتى وصلت لشكلها الحالي
÷÷÷÷÷÷÷÷÷
م
ن
ق
و
ل

تحياتي،،،