علاج قشرة الشعر منقول للفائده

السلام عليكم ورحمه الله وبركاتووو


عندي لكم خوش علاج حق الي فيهم قشره وموراضيه تروح
انا لي 12 سنه اعالج القشره ومو راضيه تروح ما بقى دكتور ما رحت له وما بقى دوا ما استخدمته ولا خلطات عجيبه الا استخدمتها وكلها بدون فايده او تروح القشره كم يوم وترجع بس هذي الوصفه استخدمتها من اكثر سبع شهور ولين الحين استخدمها ولا عاد رجعت القشره بس لازم تسون الي اقولكم ولا ترى مافي فايده

اول شي تحط زيت الخروع للشعر وزيت اللوز المر مو الحلو انتبهوا وتخلطونهم بنفس المقدار ترى هو ثقيل بس اهم شي يوصل لجلده الراس والي يبي يحطه على باقي الشعر بيصير شعره تمام والي بس بيحط على الجلده بعد مافي مشكله وتخلونه على الشعر مده ست ساعات او خمس وبعدين تغسله بشامبو بدون بلسم بعد ما ينظف تقدر تحط بلسم مافي مشكله
وتسوي هذي الطريقه ثلاث مرات بلاسبوع مده شهر وبعدين مرتين بلاسبوع مده شهر بعدين مره بلاسبوع على طول


انا سويتها وحمدلله راحت القشره وارتحت بس اهم شي ما تغسل شعرك بماي حار تراه يجيب القشره

وانشاله تستفيدون اي والي تبي شعرها يطول تراني من سويتها وشعري صاير طوييل مره لان زيت الخروع يطول الشعر


وسلامتكم