وش ارجي من ورا دنيا مشي فيها نبي وانهان

غبيه يالقلوب اللي تبي في ضيقها إنسان
إذا الإنسان في حزة رخاه.. اْيخون محبوبه

أدوّر بالنقا روحي ولا ألقى سوى الخذلان
واسّحب حافي رجولي على الأشواك مغصوبه

نعم .. ياما انظلمت .. ودعوتي ما عنــّـها بيبان
ولكني تسامحت و جرعت الظلم من كوبه

وش ارجي من ورا دنيا مشى فيها نبي ..وانهان؟
رفعت الرايه البيضا على ذا الوقت وحروبه

انا ما جيت للدنيا رجا مخلوق ايًّا كان
ولا يوم ٍ بقول لطيبتي .. ياطيبتي توبه

ولانيب انتخي دنيا ً دنيـّه في زمن خوّان
مدام ان الله العالي حفظ للحق مسلوبه

عباتي تستر عيوبي و راسي لابس ٍ تيجان
وعزِّي مــالــي الدنيا بـ ذل ٍ لابس ٍ ثوبه

أبهرب من عبير الورد واترك عطرها الذبلان
عجزت استفرد بْحالي وانا لاحقني اْ هروبه ؟!

حبيبي يـا إلهي .. أشتكي لك قلبي الشفقان
وذولا كاتبـَينه وانت تدري ويــش قالوا به

سألتك رحمة ٍ تقبض جروح الروح يا رحمان
ومتعة شوفتك غاية مُـنى الخافق ْومطلوبه

على الدنيا السلام إن كانها ما عمـِّرت بايمان
سلامي واعذريني لو رحيلي قصـَّر اسلوبه



\



..



\



ممـآ رآق لي ..\


.

طيبـ آلتحآيآ لقلوبـكمـ ...\