في نونها أسرار إلى قلبي

ياهاجس الفكره أبي لحظة انصـاف
اكتب وصوفه كيـف منـي خذنـي
خذ موجة الفكره على هب غريـاف
واسري بها في ليل قد ضاق منـي
انظر بربك وانبهر ...، حور ينشاف
كـل دنيتـي بايديـه جنـه تغنـي
لولا حلاها ما اسكنت قلب رفـراف
ولولا حلاها ماانكشف طرف سنـي
ولولا حلاها ماأحسب الزين ينخـاف
من هيبة وصوفه وهـو يحتضنـي
بعد احتضني أصبـح الكـل ينعـاف
وبعد الأمل راحـت سنيـن التمنـي
شبت لها في داخلي كـوم أعـراف
وحطت حلاها هيل في وسـط بنـي
وصبت بها دلة بدو عز وأشـراف
ولا عاش بعد اليـوم منهـو يونـي
يوم أقبلت تمشي لهـا رج وارداف
مشي الغزال اللـي غـدا وامتحنـي
عيني بعينه وانكتب يوم قـد طـاف
وأضحت عيونه من دهاليـز فنـي
فأهدابها تكفر بكل ماهـو اجحـاف
وفي نونها أشيـاء ترمـش تهنـي
نظره بنظره وابتدت هـزة اكتـاف
وفلت شعرها وليـل حبـي سكنـي
وبخدودها رسّمْت لي حـد أوقـاف
وفي بوسته قطن الخـدود اسلبنـي
وحتى العسل في شفته شي باسراف
كني نحل وأنا أشفشـف ..، أزنّـي
والخصر بقعة وطن فوق مشـراف
بين الصدر والفخـذ ضـاع التأنـي
هي عالم المغرم أبو قلـب شفـاف
وقلبي ابن يعـرف أصـول التبنـي
كل شي ممكن يجي حولـه خـلاف
بس بهواها..، ما اختلف يوم ظنـي









أحبك

[

الله يعطيك العافيه ناصر لا عدمناك